1. కమలా కుచ చూచుక కుంకుమతో, నియతారుణితాతుల నీలతనో !
కమలాయత లోచన లోకపతే, విజయీభవ వేంకట శైలపతే !

2. స చతుర్ముఖ షణ్ముఖ పంచముఖ, ప్రముఖాఖిల దైవత మౌళిమణే
శరణాగత వత్సల సారనిధే ! పరిపాలయ మాం వృషశైలపతే !

3. అతివేలతయా తవ దుర్విషహై, రనువేల కృతై రపరాధ శతై:
భరితం త్వరితం వృషశైలపతే ! పరయా కృపయా పరిపాహి అహరే !

4. అధివేంకట శైల ముదారమతేర్, జనతాభిమతాధిక దానరతాత్
పరదేవతయా గదితాన్నిగమై:, కమలాదయితా న్న పరం కలయే.

5. కలవేణు రవావశ గోపవధూ, శతకోటి వృతాత్ స్మరకోటి సమాత్
ప్రతివల్లవికాభిమతాత్ సుఖదాద్, వసుదేవసుతా న్న పరం కలయే.

6. అభిరామ గుణాకర దాశరథే ! జగదేక ధనుర్ధర ధీరమతే !
రఘునాయక ! రామ ! రమేశ ! విభో ! వరదో భవ దేవ ! దయాజలధే !

7. అవనీతనయా కమనీయ కరం, రజనీకర చారుముఖాంబురుహమ్
రజనీచరరాజ తమోమిహిరమ్, మహనీయమహం రఘురామమయే.

8. సుముఖం సుహృదం సులభం సుఖదం, స్వనుజం చ సుకాయ మమోఘ శరమ్
అపహాయ రఘూద్వహ మన్యమహం, న కథంచన కంచన జాతు భజే.

9. వినా వేంకటేశం న నాథో న నాథస్, సదా వేంకటేశం స్మరామి స్మరామి
భజే వేంకటేశ ! ప్రసీద ప్రసీద, ప్రియం వేంకటేశ ప్రయచ్ఛ ప్రయచ్ఛ.

10. అహం దూరతస్తే తవాంభోజ యుగ్మ, ప్రణామేచ్ఛయాగత్య సేవాం కరోమి
సకృత్సేవయా నిత్యసేవాఫలం త్వం, ప్రయచ్ఛ ప్రయచ్ఛ ప్రభో వేంకటేశ !

11. అజ్ఞానినా మయా దోషా నశేషాన్ విహితాన్ హరే !
క్షమస్వ త్వం క్షమస్వ త్వం శేషశైల శిఖామణే !